و انطلقت حملة حمايه

حمله حماية هى اكبر حملة في الشرق الاوسط ، حملة حمايه هى الهدف اللي حنتجمع عليه ، حملة حمايه هى حلمنا كمجتمع وكشباب ، ..................

في كام حاجه كدا عايز اقولها في الاول :

* في حوالي 10 مليون مدمن في الوطن العربي 5 مليون منهم في مصر بس و يقال ان العدد اقل من الواقع نظراً لعدم دقه الإحصائيات و الاخطر انهم بيزيدوا ......

* المشكله ان عندنا هنا غير اوروبا وامريكا هناك في مدمنين بس في ناس بتبطل وتتعالج عندنا المشكله ان اللي بيدمن تقدر تقول بينتهي بيدمر الاحصائيات بتقول ان عدد المدمنين اللي توجهوا للعلاج في الوطن العربي في ال 3 سنين الاخيره حوالي 4000 مدمن فقط ......

* كمان في مشكله اكبر ان ال 5 مليون مدمن دول مشكله كبيره اوي اولاً العدد مهواش صغير ثانياً المشكله مش مشكله ال 5 مليون بس شوف كام واحد بيحيط بالمدمن من اصحابه واهله وقرايبه و جرانه كل دول معرضين للخطر عايشين في قلق شوف كان اسره فيها حزن لك ان تتخيل كام ام بتبكي و قلبها حزين على ابنها و المشكله مش بعيده في بنات اتخطبوا وحبوا خيبطهم اوي وفجأه اكتشوفوا انه مدمن او انه ادمن وهو خاطبها ، الادمان بيتسرب كالمياه من بين ايدينا ممكن يصيب اخوك ابنك وحتى اختك في بنات كتير دلوقتي بقت مدمنين ......

* كمان في حاجه المدمن عندنا بنعتبره مجرم ودي تعتبر اكبر مشكله اننا بنجرمه فكلنا بنبعد عنه نكره نعايره و الحقيقه ان مجرد مريض عايز مساعده في مدمنين كتير اوي بيقولوا في نفسهم يا اخونا حد يمد ليا ايده حد يطلعني من الحفره دي وكل الناس للأسف بتبص عليه ويا اما تعايره يا اما تقوله انت مش كويس انت مش محترم مش متربي و هو انت لازم اكيد طالع من بيت كذا و كذا وانت وانت ودي اكتر حاجه بتكبر المشكله في ظل انه هو بيبقى نفسه في كلمه تشجعه حد يمد له ايده لو متقدرش تساعده بايدك حاول بكلمه لو مش حتقدر تدفعه لقدام خالص خلاص ارجوك حاول تسيبه مكانه ما تضغطش عليه اكتر و تهينه و يا ريت تدعي له ......

* مش عايز اطول عليكم في النقط بس في حاجه واحده انك لازم تشترك في حمله حمايه وبقولك لازم يعني مش المفروض او يعني لو تقدر لأ لازم لانك مدام عرفت الحمله بقيت ملزم بيها و دا بصفتك فرد في المجتمع و المجتمع كله عزم على علاج نفسه فحرام ان تكون انت من تقف امام هذا العلاج او تجعل نفسك الثقب الوحيد المفتوح امام هذه المشكله و حط ايدك معانا و حنواجه المشكله وصدقي من بيعده عنك اخاف يجي عليك يوم تلاقي ابنك او خطيبتك ( خطيبك ) بقى مدمن و ساعتها حتحزن بجد وتقول ياريتني كنت شاركت مش يمكن ابني مكنش ادمن صدقني المشكله مش بعيده زي ما انت متصور دي ورا ضهرك بظبط بس هى هادئه زي الثعبان ممكن تلدغك في اي وقت .

دي المشكله وحاولت اوضحها في نقط اما عن حمله حماية :

* هى حمله ضد المخدرات داخل في الحمله حوالي ثلاث مؤسسات الامم المتحده و رايتستارت ( متمثله في عمرو خالد ) و شرطه دبي .

* تهدف الحملة إلي إشراك المجتمع في جهود التوعية لابعاد الاجيال الجديدة عن تعاطي وإدمان المخدارت وذلك بالتركيز علي أمرين اساسين :

1- اقناع وتوعية الاصحاء ليبقوا اصحاء .

2- توجيه المدمنين ليبدأو برنامج العلاج .

وسيتم ذلك من خلال حملة لمدة خمس اسابيع مطلوب فيها من المجتمع المشاركة في تحقيق الهدف.

* وسائل تحقيق الهدف :

سيتم قياس تحقيق الهدف من خلال ثلاثة وسائل محددة قابلة للقياس وهي كما يلي :

1 - وضع مليون استكير بعنوان "لا للمخدرات" .

2 - إقامة خمسة الالاف نشاط ( مؤتمرات - لقاءات - كلمة في الإذاعه المدرسيه - مقال في الجرنال - موضوع في المنتدى - موضوعات في المواقع - في الجامع - في الكليه - و كل ما يتعلق بذلك ) في العالم العربي.

3 - توجيه خمسة الالاف مدمن عربي لبدء برنامج العلاج.

• تعتبر الوسيلة الاولى والثانية السابقتين تمهيدا مهما واساسيا لتحقيق المستهدف الثالث والاخير.

تجهيزات الحملة :

1 - تم تصميم استيكر متميز بعنوان لا للمخدرات.
2 - تم تصوير فيلم قصير مدته 3 دقائق يهدف إلي توجيه المدمنين لبدء برنامج العلاج وسيقدم الفيلم مجانا للفضائيات المختلفة.

3 - تم عمل أغنية (راب) تكلم المدمنين بلغتهم لبدء برنامج العلاج.

4 - تم الاتفاق مع 25 مركز لعلاج الادمان لتوفير الاسرة والعلاج لـ 5000 مدمن وخصم يصل إلي 50 % لمن هو قادر على تحمل نفقات العلاج، وهذا بالاضافة إلي 15 % من إجمالي الحالات يتم علاجهم بالمجان. على أن يتم استقبال هذا العدد على مرحلتين، مرحلة في بداية الحملة لعلاج نصف العدد المطلوب ومرحلة أخرى بعد اربع اشهر لبدء علاج النصف الاخر.

5 - تم توفير خط ساخن ( 0168808001) وايميل سري ( hemaya@amrkhaled.net ) لتلقي طلبات المدمنين لبدء برنامج العلاج.

6 - تم تدريب 120 شاب من فريق حماة المستقبل من دول عربية مختلفة ليكونوا قادرين على القيام (OutReach) للوصول للمدمنين في أماكنهم وإقناعهم ببدء برنامج العلاج، حيث المستهدف من كل منهم أن يوصل عشر مدمنين مستعدين لبدء العلاج، علما بان هذه الطريقة (الـOutreach) تستخدم لاول مرة من خلال متطوعين في العالم العربي.

7 - تم الاتفاق مع خمسة الالاف شاب من فرق حماة المستقبل المدربين من قبل الأمم المتحدة وشرطة دبي ورايت ستارت ليشاركوا كمتطوعين في تنفيذ وسائل الحملة.

8 - تم إعداد دورة متخصصة لتدريب أهالي المدمنين وأصدقائهم عن كيفية التعامل مع ابنهم المدمن حتى يصلوا إلي اقناعه ببدء برنامج العلاج وتوصيله لحملة حماية.

9 - تم الاتفاق مع خمس مواقع انترنت لتتبنى الحملة بالكامل على الإنترنت ومن هذه المواقع موقع عمروخالد دوت نت وموقع حماية الخاص بالشرطة العربية.

10 - يتم الاتفاق حاليا مع عدة فضائيات وصحف وإذاعات لتبني الحملة إعلاميا.

ودا شعار الحمله المطلوب توزيعه و إلصاقه في كل مكان

لو هتسأل ليه حمايه

وليه شبابنا من البدايه

ولو هتسأل ليه وليه

يبئى هحكى لك حكايه

......

قوم تعالى وشوف شبابنا

لو تشوف تعرف عذابنا

كان كتاب ربه طريق

والصلاه فى اليوم صديق

دلوقتى فى الدنيا غريق

بمخدرات خربت حياتنا

.....

فاكره يامصر شباب زمان

كان عالعدو زى الطوفان

الله أكبر فى المكان

وشباب أسود وسط الميدان

مايخاف يهود ولا أمريكان

فاكر ياصاحبى شباب زمان

......

قولى ياصاحبى شبابنا فين

ولا أقول لك

قول ياصاحبى

شبابنا جاب الكيف منين

وليه شبابنا يعيش سجين

لفساد بيحكم من سنين

ماتقول ياصاحبى شبابنا فين ؟ !

.....

عرفت ليه حملة حمايه

عرفت ليه بنقول كفايه

عرفت ليه كل الشباب

حلفوا لنرجع للبدايه

.....

طبعا ً هتسأل دروى إيه

وعلشان أشارك أعمل إيه

ادخل ياصاحبى وشوف بنفسك

كل الكلام هنا هتلاقيه

http://www.amrkhaled.net/

..........

شارك فى حملة حمايه .. ولا تتردد .. وارسم

مستقبل جيل جديد

......

كلمات

فارس الأزهر

معاذ فتحى

للمزيد عن الحملة :

1 / حملة حمايه

2 /حلقة إطلاق حملة حماية - الجنة في بيوتنا

3 / صباح الخير يا مصر يبرز حملة حماية

4 / كلمة من أ.عمرو خالد بعنوان - ثوابك في الحملة ( رجاء شخصي في سماع هذه الكلمة )

كلمة العبد لله /

ارجوك ما تبقاش سلبي المره دي كل هدفنا انك تساهم معانا في توجيه ولو مدمن واحد يبدأ برنامج العلاج والحملة ليست حكر على جماعه ولا مؤسسه ولا ناس معينين كل اللي يقدر يساعد يتفضل المجتمع دي مجتمعنا احنا مش مجتمع حد تاني والمخدرات دي تعتبر حرب بيننا وبين العدو فإذا كنت زعلان على اخوانك اللي بيموتوا بالرصاص في غزه فكمان في اخواتك اللي بيموتوا بالمخدرات في بلدك فهى حقاً حرب و ارجو ان تكون جندي فيها و كلنا عارفين الحديث اللي بيقول فيه الرسول توشك ان تتداعى عليكم الامم كما تتداعي الاكله إلى قصعتها ( وهو دا حالنا ) فقالوا امن قلة نحن يا رسول الله ؟ قال لا انتم يومئذٍ كثير ولكن ( وهي المشكله الحقيقه ) غثاء كغثاء السيل ( حتكونوا سلبيين ) واجب الاسبوع الاول في الحمله توزيع و إلصاق مليون ستيكر في كل مكان ما تستهوش بالحكايه ( فالقطره تثقب الحجر ) قوه الضغط الجماعي بتاعت المجتمع اقوى مما تتخيل لما تعلق ستكر ومدمن شافه او واحد بيفكر انه يدمن يمكن في الاول مش حياخد باله لما يروح حته تانيه ويلاقي نفس الستكر حيبدأ يلاحظ و بعد كدا يورح جامعته وناديه و بيته وشارعه ويلاقي الإستكرات تأكد بإنه حيفكر ويتحرك ولو اتهز من جوه يبقى الف مبروك و مدام انت وزعت الاستكر بنيه توجيه مدمن ثوابك عن الله لن يضيع ....... ولتالت مره بقولك ارجوك ( ارجوكي ) مدوا ايدكم معانا انشر الحمله عرف الناس فرجهم على حلقه عمرو خالد بتاعت الحمله اتكلم مع سواق التاكسي مع اصحابك بس ارجوك لا تقف عاجزاً ( ومن احياها فكأنما احيا الناس جميعاً ... صدق الله العظيم ) ............. والله المستعان .