هنستريح شويه الايام دي و هريحكم مني علشان الضغط ما يرتفعش اكتر من كدا و العبد لله طبعاً هيريح غصب عنه امتحانات و ثانويه وعنق الزجاجه و مستقبلك و حياتك وربنا يكرمك بكليه حلوة ( دا ولا كأني بنقي طماطم يا عم ) ما علينا كله عارف قصة الثانويه دي و المعظم جربها او سمع عنها اما عن الايام الجايه دي في المدونه فحتبقى مواضيع خفيفه كدا و حنبدأ الايام دي بشويه اشعار لاحمد مطر الشاعر اللي انا معجب بيه جداً رغم انه مش مشهور اوي .... حنبدأ بس الله :
فصيحنا
فصيحنا ببغاء،
قوينا مومياء،
ذكينا يشمت فيه الغباء،
ووضعنا يضحك منه البكاء،
تسممت أنفاسنا حتى نسينا الهواء،
وامتزج الخزي بنا حتى كرهنا الحياء،
يا أرضنا، يا مهبط الأنبياء،
قد كان يكفي واحد لو لم نكن أغبياء؛
يا أرضنا، ضاع رجاء الرجاء،
فينا ومات الإباء،
يا أرضنا، لا تطلبي من ذلنا كبرياء،
قومي احبلي ثانية،
واكشفي عن رجل لهؤلاء النساء!
*************************
الفتنة اللقيطة
إثنان لا سواكما، والأرض ملك لكما
لو سار كل منكما بخطوه الطويل
لما التقت خطاكما إلا خلال جيل.
فكيف ضاقت بكما فكنتما القاتل والقتيل؟
قابيل.. يا قابيل
لو لم يجئْ ذكركما في محكم التنزيل
لقلت: مستحيل!
من زرع الفتنة ما بينكما..
ولم تكن في الأرض إسرائيل؟!
*************************
نكتفي بهذا القدر إلى حين اخر إن شاء الله
هناك 4 تعليقات:
ياابنى ياحبيى
لا ثانوية عامه ولا جامعة ولا كليه شوف مصلحتك وفتح مخك واعملك حتة كليب يفرقع يمكن ربنا يفتح عليك وتكون راضى والدين وتبقى زى شعبله هو حب الحمار حب انت الجاموسه وأهو كله فن والشعب عايز مده والشباب عايز كده الا اذا كنت فقرى بقى وعايز فقر اتنيل على عينك زينا وزيى كل العاطلين فى البلد وذاكر وعيش شحات والبت حتسيبك وتروح تشف مستقبلها وتتجوز سباك ويمكن ربنا يفتح عليها وحد يكتشفها وتبقى بتاعة اعلانات وبعدين تفرقع معها وتبقى فنانه ونجمة شباك وسيدة مجتمع وصورتها صورة الغلاف انت فى مصر المحروسة بوابة العالم( عجوز مخرف )
http://gamal51.blogspot.com
هى المشكلة ما بقتش اني اخد الثانوية ولا الكليه ولا اشوف مصلحتي المشكلة ان الثانوية بقت بايظه والكليه بقت باظية يعني حتى لو عايز ابقى متعلم كويس صعب وبعدين ليه اليأس دا كله لسه الحلو جي ( بس احنا عاملين زي الحديد و الدهب معادن مميزة لكن لما بنيجي ننقيها من الشوائب لازم نسخنها بالنار علشان الشوائب تتطلع )واحنا دلوقتي في مرحلة التسخين واللي انت بتقول عليهم دول مجرد شوائب بتطلع مش اكتر انا عن نفسي متفائل باللي جي
شكراً استاذ جمال
السلام عليكم ورحمة الله وبركاته
وفقك الله واعانك على الثانوية العامة
وبإذن الله تقدر تدخل الكلية اللي بتحبها
وحلوة أوي اشعار احمد مطر
وأنا كمان بحب له بعض القصائد فهو من الشعراء المميزين وقلمه احيانا أحد من السيف
تحياتي
جهان علي /
شكراً على المشاركة الوجدانيه في الاحاسيس الثانوية والتعليميه ( لأ دي من عندي محدش علمهلنا في الثانوية )
اما عن احمد مطر فدا صعب اني اتكلم عنه فانا متيم به و علشان كدا خليت الإستراحه تبقى مع اشعاره ... شكراً لحضرتك .
إرسال تعليق