صوت المدونة

الجمعة، 8 مايو 2009

المقـامة الدراسيّـة ...



حدثنا طالب بن دارس, بن واقف بن جالس,


فقال


لاحظ بعض العلماء , من كبار الأسماء, أن هناك مرضٌ عضال, يصيب بعض الرجال, إن كانوا بسن الدراسة والتعليم, في ظل هذا الحر المقيم


وقالوا بأنه مرضٌ ذهوليٌّ انفعاليٌ, نفسيٌّ عقليٌّ.. عصبيٌّ عضليّ, يصيب طلاب الكليات, بمختلف الجامعات, في شهر ٍ من شهور العام, هو شهر مايو الهمام, عندما يعرفون يوم الامتحان, يوم لا يـُكرم المرء بل يُهان, حتى إذا كان عبقرياً نابغاً, أو كان متوسطاً أو فارغاً


فتظهر أعراض المرض الوبيل, في آخر أسابيع شهر إبريل, ووصف بعض أطباء العصر والزمان, هذه الأعراض.. فحدثنا حكيم بن عيـَّـان, فقال


*******


أول أعراض المرض هو الذهول, ليس كذلك الناتج عن أكل الفول, بل هو ذهول شموليٌّ عنيف, يُكسب المرء شحوباً فيصبح كالرغيف


وفسره بعض المعاصرين, بأنه نتيجة اندماج الدارسين, حيث تتجمع المعلومات في أقفيتهم, وتتسرب من أربطة أحذيتهم, فيجيء الطالب آخر العام فيفاجأ كليةً بهذا الزحام, ويصيح في ظلمة الليل البهيم: كيف يا إلهي الرحمن الرحيم, متى أخذنا كل تلك الدروس, وكيف يا عالم أسرار النفوس, وكيف يكون الامتحان في شهر خمسة, ولم لا يكون عام مليون وخمسة, مع الاحتفاظ بحق الدور الأول, دونما تأجيل ٍأو إعادة من الأول!!!", ثم يستسلم لمصيره وأقداره ِ, ويدفن نفسه بين أوراق دفاتره ِ, ثم يبدأ الاكتئاب الدفين, الذي تفشل معه الـ Venlafaxine والـ Tricyclic


حتى يمر شهر خمسة بالطول أو بالعرض, وتكاد رأسه تلامس الأرض, ويأتي شهر ستة بأيامه المخيفة, حيث امتحانات الشفوي والصدمة العنيفة, حتى ليجد الأستاذ نفسه مندهشاً متعجباً, من ذلك الطالب الذي صار مملاً متعباً


يجاهد الأستاذ لينزع منه المعلومات, بينما شفتاه لا تفترقان لبضعة سنتيمترات, فيضطر لإعطائه درجة ما, ويقول له أحسنت إنما..., ولا يضيف كلاماً, ولا يعطيه سلاماً, بل يقول: من بعده؟ فيخرج الطالب من عنده, والنيل يخايل ناظريه, ويدعوه أن يهرع إليه


*******


ما وجدنا لهذا الداء, من ترياق ٍ أو دواء, حتى يومنا هذا ولحظتنا تلك, إلا رحمة مالك الملك, وقد اقترح بعض علمائنا الأفذاذ الأفاضل, تسمية هذا المرض باسمٍ جديد ليس له مقابل, واقترح بعض هواة المصطلحات, تسميته بـ: متلازمة ما قبل الامتحانات, أما هواة الرطانة في العلوم, فقد اقترحوا تسميته بـPre-examinations Syndrome


فانظر أيهما تختار, في قراءة الأخبار


*******


وبهذا علمنا ما كان, وما جرى لطلبة الزمان, ولا نملك إلا دعوة الرحمن, أن يرحم بني الإنسان, حتى لا تكون دنياهم خاسرةً ضائعة, وأخراهم نيراناً جائعة, وليرحم الله طلاب الجامعات والمدارس, ويغفر لحماقات طالب بن دارس


وبهذا نختتم الكلام


ولكم منا السلام


*******
مـراد محمـد


&&&&&&&&&




ملحوظه : ده حيبقى اخر بوست جديد قبل الامتحانات و سنختتم هذه المرحله بهذا البوست و بإذن الله نلقاكم بعد فتره الامتحانات و التى تمتد إلى نصف شهر سته و في هذه الفتره سيتم اعاده بعض البوستات القديمه من المدونه و التي حازت على اعجاب بعض القراء .... إلى اللقاء .




هناك 22 تعليقًا:

fnoonh يقول...

اول تعليق
ل فنونة

fnoonh يقول...

انت الكاتب الموضوع ده
حقيقي جميل جدا جدا جدا
تسلم ايدك حتى لو انت المختارة من مكان بردو تسلم ايدك لان اختيارك جميل في كل الاحوال تسلم ايدك
حقيقي معاناه الدراسة دي
ربنا يعينا يارب

تقبل خالص تحياتي وتقديري

عبد من عباد الله يقول...

شكراً يا فنونه

و كاتب الموضوع هو الاستاذ مراد محمد

اما لو انا كاتب الموضوع فيا إما حمضي باسم "عبد من عباد الله " او مش حمضي و يبقى من الطبيعي ان صاحب المدونه هو اللي كتاب البوست ...

تشرفت بزيارتك .... و اهى حاجه كده تعبر عننا في الاوقات دي

mohamed ghalia يقول...

الموضوع هايل فعلا
أحسنت الإختيار
أروح بقى ألحق أذاكر

fnoonh يقول...

http://thelovestories-fnoonh.blogspot.com/?zx=70819fd8ad321f61

دعوة لمدونتي الجديدة

MǿиY El-Shreef يقول...

ههههههههههه

جميل اوي اوي ياعبدالله

ياعيني ياخويا هتندفن تحت الكتب بقى ها

هههههه

اللهم لاشماته

ربنا يعينك

وترجع زي الفل

زقطـوطـة يقول...

بجربنا يكرمك في امتحاناتك إن شاء الله
و نفرح بنتيجتك سوا

: )

هتفرج على باقي المدونة بقى
عايزة حاجة من كتاباتك إنت : )

عبد من عباد الله يقول...

محمد

شكراً يا محمد و ابقى ذاكرلي معاك و حياتك ، حاكم انا نفسي مش مفتوحه اوي على موضوع المذاكره ده

****

افنان

زرتها يا افنان و هى جديده و جميله و يا رب تقدري تكبريها و تبقى حاجه جامده مع الوقت

****

امينه

امـيينه ... عامله ايه يا امييينه
كتب ايه يا امييينه ؟!! احنا ادفنا بالفعل يا امييينه و لحد دلوقتي مش عارفين نطلع يا اميييييينه ..... كنتم مع فيلم " امينه و متولي "

****

زقطوطه

ان شاء الله يا استاذه ولاوني مش محبش انك تتأملي فيا اوي لكن ربنا يوفقنا

حاجه من كتاباتي ممممممم ؟ بصى احتمال تلاقي هناك كده على الجنب الشمين و انتي واقفه حتلاقي خمس مواضيع كده ، دول بقى مش بتوعي ممكن تروحي للناحيه التانيه حتلاقي تلات مواضيع انمنا ايه ، دول بقى بتوع ناس تانين ..... بصي حبقى اقولك المره الجايه ممكن تلاقي كتباتي فين بظبط " احتمال تلاقيها في مدونة تانيه "

mimi يقول...

واللي معندوش امتحانات يعمل إيه؟

يقعد يطلعلكو لسانكم؟

ولا يعمل إيه؟؟

mimi يقول...

أيوة أيوة روحو ذاكرو

ذاكر تنجح
غش ...

تجيب تقدير ... ههههههههههههههه

هذلكوا

mimi يقول...

دريم بارك رخصت التذاكر بتاعتها

وكل الدنيا هتبقي فاضية

الفسح جميلة

والمواصلات رايقة

يارب تمتحنوا علي طول

تأثير الفراشة يقول...

D: D: D:
جميلة جدااااااا، حقيقى إختيار فى محله
ربنا يوفق كل الطلبة و يعينهم فى الامتحانات

بالتوفيق

عبد من عباد الله يقول...

ميمي

اهئ اهئ اهئ
:( :( :(

يعني ارفع الطاقيه من على دماغي و ادعي عليكي !!

روحي يا شيخه اللهي يبليكي بامتحان لم يضعه بشر او انسان
فهو إما من وضع ثعلب مكار او ثعبان
تبحثين عن اجابته في كل مكان و زمان
و في النهايه تخرجين منه تشبهين " الانسان "

هيييييييييييييييه
دعوه حلوه .. دعوه حلوه

دي المذاكره بتجيب للواحد ابتكارات يا شيخه

و لابد من يوم معلوم ... تترد فيه الماظلم
ابيض على كل مظلوم ... و اسود على كل ظالم

****

تأثير الفراشيه

و الله ربنا يكرمك انتي يا شيخه
ايوة كده ادعولنا ده احنا حالتنا صعبه بجد ... روحي يا شيخه الهي يجعلك فراشه من فراشات الادب و العلم

غير معرف يقول...

هههههههههههههههه
هههههههههههههههههه

بوست خطيرررررر بجد

ربنا يعينكم عالامتحانات وينجحكم يارب

تسلم ايدك

بالتوفيق يارب

حازم النبراوي يقول...

ربنا يوفقك فى امتحاناتك

انت انسان محترم وانا اتمنى لك كل خير

تحياتى وتقديري

عبد من عباد الله يقول...

نواره

شكراً يا ست نواره الله يكرمك يا رب
و ادعيلنا دايماً كده الواحد دلوقتي محتاج كل دعوه تثبته .... نورتينا و ابقي شرفينا دايماً .

****

حازم

والله يا حازم ان راجل بترفع من معنوايتي و كارمي اخر كرم و الله

حقيقي انت مميز و ربنا حيوفقك بإذن الله

Unknown يقول...

قلبى معاك ياتلموووووووذ
من التلامييييييييييييييذ
عذاب الله فى الارض اسمه:
امتحان نهاية العام:(

عبد من عباد الله يقول...

norahaty

شكراً جداً على المؤازره الوجدانيه دي

و الله الواحد بيبقى في امس الحاجه لكلمه

عذاب الله في الارض ........ فقط في مصر

بنت النيل يقول...

ربنا يعينك يارب ويوفقك يا عبد الله انت وكل الطلبة وبنجاح ان شاء الله

عبد من عباد الله يقول...

بنت النيل

امين يا رب

كنت اتمنى انك تكوني بلوجر و لكن زيارتك ليا تشرفني برده

غير معرف يقول...

هههههههه

آمين يارب يكون في عون كل الطلاب و الطالبات ,,

بالتوفيق و لا بد من الجهد و التعب في طلب العلم ,,
و لا يأس رغم كل الظروف ,,

في جامعاتنا في السعودية الدكتورات مصريات ,,
لذلك اقدر المعاناة بشكل جيد ,,

دمت بخير ^^

عبد من عباد الله يقول...

اسيره اللوحه

اشكرك جداً لمتابعتك للموضوعات ده شئ يشرفني حقيق ....

انا مش فاهم اوي موضوع الدكتورات المصريات اللي عندكم في السعوديه و انك فهمتي المعاناه منهم ؟! .. على العموم انا اتمنى انك تبقى احسن منهم إن شاء الله .